ပုသိမ်တွင် လိင်တူချစ်သူများအတွင်း အိတ်ခ်ျအိုင်ဗီကူးစက်ခံရမှု အမြင့်ဆုံးဖြစ်နေဟုဆို

ပို့စ်တင်ချိန် - 7:06 PM

ဧရာဝတီတိုင်းဒေသကြီးရှိ ပုသိမ် မြို့နယ်၌ လိင်တူချစ်သူများအ တွင်း အိတ်ခ်ျအိုင်ဗီရောဂါကူးစက် ခံရနှုန်းမှာ အမြင့်မားဆုံးရှိနေ ကြောင်း သတင်းရရှိသည်။

ကျန်းမာရေးအဖွဲ့အစည်း များက ကောက်ယူခဲ့သည့် ၂၀၁၃ နောက်ဆုံးစစ်တမ်းများအရ ဧရာ ၀တီတိုင်းဒေသကြီး၌ အိတ်ခ်ျ အိုင်ဗီရောဂါဖြစ်ပွားနိုင်သော အန္တရာယ်ရှိအုပ်စုများဖြစ်သည့် အမျိုးသမီးလိင်အလုပ်သမ၊ အကြောထဲမူးယစ်ဆေး ထိုးသွင်းသူများထက် လိင်တူချစ်သူအုပ်စုမှာ ပိုများနေပြီး ၁၀ ရာခိုင်နှုန်းကျော်ရှိနေခြင်းဖြစ်သည်။

‘‘ပညာပေးကာကွယ်ရေး အတွက် လုပ်နေလို့ဖြစ်နှုန်းကျသွား ပေမယ့် ဖြစ်ပွားနိုင်တဲ့ အုပ်စုတွေ ထပ်တိုးလာတယ်။ အပုန်းတွေက အရင်က သူ့ဟာသူနေကြပေမယ့် အခုက ပြောင်ပြောင်တင်းတင်း နေလာကြတယ်။ အဲဒီအုပ်စုက ဖြစ်နှုန်းတက်လာတယ်။ ဦးရေတက် လာတယ်’’ဟု ကျန်းမာရေးဝန်ကြီး ဌာ၊ ကျန်းမာရေးပညာပေးဌာနမှ ဒုညွှန်ကြားရေးမှူး ဒေါက်တာသန်းထွန်းကဆိုသည်။

ဖြစ်ပွားနိုင်သည့် အုပ်စုများ အလိုက်ခွဲခြားထားပြီး ၎င်းတို့တွင် မူးယစ်ဆေးထိုးသွင်းသူ ၁၈ ဒသမ ၇ ရာခိုင်နှုန်း၊ အမျိုးသားချင်းလိင် ဆက်ဆံသူ ၁၀ ဒသမ ၄ ရာခိုင်နှုန်းနှင့် အမျိုးသမီးလိင်အလုပ်သမများ ၈ ဒသမ ၁ ရာခိုင်နှုန်း ရှိသည်။ရှမ်းပြည်နယ်တွင် အကြောထဲ မူးယစ်ဆေး ထိုးသွင်းအုပ်စုများပြားပြီး ဧရာဝတီ တိုင်းဒေသကြီး ပုသိမ်တွင်မူ အမျိုးသားချင်းလိင်တူ ဆက်ဆံသူ အုပ်စုပိုမိုများပြားကြောင်း သိရသည်။

ကျန်းမာရေးဝန်ကြီးဌာန၏ စာရင်းဇယားများအရ ၂၀၀၀ ပြည့် နှစ်တွင် အိတ်ခ်ျအိုင်ဗီလူနာပေါင်း  ၀ ဒသမ ၉၄ ရာခိုင်နှုန်းရှိခဲ့ရာမှ ၂၀၁၃ တွင်မူ ၀ ဒသမ ၄၅ ရာခိုင် နှုန်းသို့ ကျဆင်းလာခဲ့သော်လည်း လိင်တူပျော်ပါးခြင်း၊ အရွယ်မ ရောက်သေးသော ကလေးသူငယ် များ အဓမ္မပြုကျင့်ခံရခြင်း၊ အမျိုး သမီးအကြမ်းဖက်ခံရခြင်း၊ မူးယစ် ဆေးထိုးသွင်းမှုများပြားလာခြင်း စသော ဖြစ်ပွားနိုင်သည့် အုပ်စု များမှ တိုးလာနေခြင်းဖြစ်သည်။

မြန်မာနိုင်ငံ၌ အသက် (၁၅) နှစ်အထက် အရွယ်ရောက်ပြီးသူ များ၌ အိတ်ခ်ျအိုင်ဗီပိုးကူးစက်ခံ နေရသူပေါင်း တစ်သိန်းရှစ် သောင်းကျော်ရှိသည့်အနက် ၂၀၁၃တွင် ရောဂါပိုးကူးစက်ခံရသူ လူနာသစ်ခုနစ်ထောင်ရှိနေပြီး နေ့စဉ် ၁၉ ဦးကူးစက်ခံနေရသည်ဟု ကုလသမဂ္ဂ HIV/AIDS  ပူးပေါင်းအစီအစဉ် (United Nations Joint Pro-gramme On HIV/AIDS (UN AIDS)) မှ သတင်းထုတ်ပြန်ထားသည်။ထို့ကြောင့် ယင်းအန္တရာယ်ရှိ သည့် အုပ်စုများအား ရောဂါကူးစက်နိုင်မည့် နည်းလမ်း၊ အပြုအမူများကို အသိပညာပေးခြင်း၊ ကုသပေးခြင်းနှင့် ကာကွယ်ပေးခြင်းတို့ကို ပြုလုပ်ပေးရန် လိုအပ်ကြောင်း ကျန်းမာရေးပညာပေးလုပ်ကိုင် နေသူအချို့ကဆိုသည်။

‘‘ကူးစက်ခံရတဲ့ အကြောင်း အရင်းကို ဖြေရှင်းနိုင်ရင် ကူးစက် ခံရနှုန်းက ကျဆင်းသွားမယ်။ ပတ်ဝန်းကျင်က ခွဲခြားဆက်ဆံတော့ အပွင့်ကနေ အပုန်းဖြစ်ကုန်ရော။ ကျန်းမာရေးအသိမရတော့ ကူးစက်ခံရနှုန်းက တက်လာရော။ သူတို့ကို ကြည်ဖြူစာနာရင် ဒါတွေကို ပညာပေးနိုင်ဖို့လိုတယ်။ ဒါကြောင့် နှစ်သိမ့်ဆွေးနွေးပညာပေးတွေ လုပ်ပေးဖို့လိုတယ်’’ဟု အနှစ် (၂၀)ကျော်ကြာ ကျန်းမာရေးပညာပေးလုပ်ကိုင်ခဲ့သည့် စာရေးဆရာ ဒေါက်တာ ထွန်းဝင်းက ဆိုသည်။

http://7daydaily.com/story/29079#.VLEbZyuUewg